L'ultimi alizzioni s'aspittaiani in Inghilterra. Supratuttu dapoi chì issu paesi hà suvitatu l'andatura
di guerra in Irak di i Stati Uniti.
S'arricorda chì in Spagna, paesu dinò
iddu d'accordu cù issa pusizioni di
guerra, è dopu à l'attentati di marzu di
l'annu passatu, a dritta raprisintata da
u Partitu Populari pirdia a so maghjurità.
In Inghilterra, s'iddu ùn ci hè
statu nudda à issu niveddu, l'upinioni
publicca s'era quantunqua monda
manifistata.
S'aspittaia dunqua cù intaressi i risultati,
dinò in Irlanda di u Nord, pà
cunnosci appena l'arradicamentu
ripublicanu irlandesu, dopu à a campagna
di criminalisazzioni issi ultimi
mesi contr'à u " SINN FEIN " è l'"
IRISH RIPUBLICAN ARMY ".
U risultatu in issi alizzioni di maghju
moscia una nova raprisintazioni pulitica
à a camera di i cumuni. U Partitu
travaddistu utteni 36% di i suffragi ;
voli dì ch'iddu teni sempri una
maghjurità ma perdi quantunqua 6 %
annant'à i voti di l'annu 2001. 2001,
avia allura 167 posti. N'avia 167 in
l'annu 1997. Oghje si ritruva cù 66
posti.
Ma issa perdita ùn cambia u fattu chì
pà a terza volta " BLAIR " hè statu
ricunduttu a " DOWNING STREET ".
L'hà ditta bè u primu ministru inglesi
chì avia " un mandatu pà guvernà,
dinò u paesi ".
Di l'altru cantu, i cunservatori otenini
200 diputati. Unu di i so rispunsevuli
hà pricisatu chì " ghjera un'avanzata
annant'à a strada di u rinnovu
". Migliorani appena di più chì l'anni
passati a so pusizioni à u parlamentu.
Ci hè dinò una terza voci chì si senti,
quidda di i liberali dimucrati. Parlani
cù 23% di i suffragi è 60 posti di una
" nova epica " è chì oramai cum'è a
dici " CARULU KENNEDY ", unu di i
so rapprisentati " a partita si ghjuca
à trè ". Voli dì chì par iddu hè compiu
u tempu di u bipularisimu " TORY -
LABOUR ".
Issa nova cunfigurazioni pulitica di u
paesi inglesi moscia bé una certa
influenza di l'ingaghjamentu militariu
in Irak è i so
c u n s i q u e n z i
nigativi pà u
puteri in piazza.
A dimostra bè a
vittoria alitturali
di un omu chjamatu
" G H O R G H J U
GALLOWAY ",
missu fora di u "
L A B O U R "
parchì era contr'à
a guerra è a
pusizioni di u
Primu ministru,
è chì in u circondu
di " Bethnal Green "
hà vintu a ghjovana
diputata " OONA KING ",
sustenuta da u
partitu travaddistu.
E' accant'à a issa guerra ci sò dinò
altri raghjoni pà circà à spiegà a
dibulezza di u risultatu di u "
LABOUR ". I quistioni di l'immigrazioni,
di l'introduzioni di un pagamentu
annuali forfitariu ind'è
l'insignamentu superiori, o di a crescita
di i cuntribuzioni suciali ani cunduttu
a ghjenti à manifestassi à a so
manera contru issa pulitica.
In Irlanda di u Nord, i risultati alitturali
mettini in rilievu a vittoria di u "
SINN FEIN " chì otteni un postu di
più è dunqua cinqui diputati. Si l'eletti
ripublicani ùn ani micca da andà à
pusà à a camera di i cumuni, parchì
un riconnoscini a regina inglesa "
ELISABETH ", ani pricisatu quantunqua
" chì ani da fà usi di issu mandatu
cù bon sensu ". Unu di i so
rispunsevuli " GERRY ADAMS " hà
dittu ancu ch'iddu "s'ingaghja à
rimetta l'accordu di u vennari santu
(1998) è l'andatura di paci più in dà,
è di andà nant'à a strada di
un'Irlanda unita".
Ci voli dinò à sapè chì i dimucrati
unionisti di u " D.U.P. " ani vintu iddi
cù 9 diputati, 3 di più chè in u 2001 è
diventani a furmazioni principali nord
irlandesa. U missaghju di campagna
d'issu partitu era chjaru è a dicia bè "
IAN PAISLEY " : " solu u D.U.P. pò
impedì u SINN FEIN di diventà u
primu partitu nord irlandesi ".
A malgradu issi mesi passati a criminalisazioni
di u muvimentu ripublicanu,
iss'ultimu hà musciatu bè u so
arradicamentu è supratuttu a so vulintà
d'appacià.
Avali tocca à u puteri in piazza à
dimustrà chì iddu dinò hè d'accunsentu
pà andà più in dà nant'à a strada
di a paci in Irlanda di u Nord. A
paci ghjustamenti chì rivindicheghja
l'upinioni inglesa di pettu à ciò chì si
passa in IRAK è chì aspetta sempri u
ritornu di i soi mandati qualà à fassi…
tumbà.
Ulivieru Sauli
