In i Stati Uniti: ghjè a divisione, u mudellu americanu hè rimessu in causa.
Dapoi 1964, i S.U.sò ingagiati in a Guerra di u Viet-Nam! Mezi tremendi: 550 000 suldati americani si battenu;
annu decisivu : offensive di a ribellione nordu viet-namiana da u Tet, cambiamentu d’opinione di popoulu
americanu spaventatu da l’orribile macellu !
D’aprile 68, M. Luther King chì luttava pacificamente per i diritti civili, hè assassinatu !
Robert Kennedy, annunziendu a morte di u King in Chicago, ùn si dubbitava chì di ghjugnu averia listessa sorte !
Di maghju 68, a più parte di i campus sò in bisbigliu, da a paura d’esse chjamati sottu à a bandera stellata !
Da u 64 numerose cità sò tocche da l’azzuffi !
L’assassinatu di u King porta certi giovani neri à mosse radicali : « Ultra Black Muslins, »« a « Black Power »
cù u carismaticuMalcom X, u « Black Panther »… I Ghjochi Olimpichi diventanu locu di cuntestazione !
In Auropa: u mudellu unicu cummunistu hè cuntestatu !
U veranu di Praga : in Ceccusluvacchia,
ghjunghje u rifurmadore Lisandru Dubcek,
ghjè un sucialistu umanu. A voce di u dramaturgu
Vaclav Havel si pesa, è ghjè lintatu l’arcivescu.
In URSS, Brejnev ghjè à u pudere in una
nurmalisazione armata : u 20 aostu, u paese hè invasu, Dubcek arristatu,
è u partitu stacciatu ! Ian Palach si tomba zingandusi focu à mezu
Praga !
Ussr è China sò in gattivi termini : 68 annata di tutte e tensionitrà i
dui nemichi.L’URSS critica arivuluzione culturale chinese, ghjè a longa
marchja di a mossa pulitica è ideologica chì s’impone cù l’eliminazione
di l’oppunenti, a furmazione dia guardia rossa, populazioni
spiazzate in campagna o in cità, artisti è intelettuali fucilati, opere
d’arte strutte, ancu a tomba di Confucius, i guatri di u partitu reeducati
o s’ell’ùn hè peghju ! Si volta à l’ordine di u terrore !
A Francia hè scuzzulata da l’avvenimenti di maghju 68 : l’università sò
à para piglia è teni, l’azzuffi in Nanterre facenu chjode l’università u 2.
Intuppi viulenti trà studianti è pulizza di notte da u 10 à l’11, in u «
Quartier Latin ». Acrisa torna suciale : i sindicati organizeghjanu una
greva contru à a viulenza pulizzera. L’accordi di Grenelle s’affondanu !
A crisa pulitica : u statu pare incapace. U 30 di ghjunghju, sciolta di
l’assemblea. I gaullisti vincenu l’elezzioni. Tuttu s’acconcia.
E in Corsica tandu ?
Di maghju, a Corsica hè priva di battelli è d’aviò. Mosse studiantine micca chì università ùn ci n’hè !
U 30 di maghju, prima reunione regiunalista di u dopu guerra, l’ARC riclama l’autunumia.
L’11 di sittembre, u volu Aiacciu-Nizza casca in mare fendu 95 morti in maior’ parte corsi. Di dicembre,
Patrimoniu riceve l’AOC per iso vini.
40 ANNI DOPU
L’America sempre cuntestata !
A nazione s’hè infangata in IRACCU per a siconda volta ! Bush babbu
ci si piglia un pattone in u 91 ; Bush figliolu si mette in cerca d’usine
secrete attomiche, face arristà à Saddam Hussein ch’ellu face impiccà !
Cambiamentu d’opinione di l’americani spaventati da u costu in dòllari è
in vite (vite soie, bella capita !)
Cuba hè sempre sottu à u blucchime US. Si sparghje a più gran’miseria in
u paese: in u 2008, poveri è chjuchi ùn si ponu più nutrisce senza ticchetti di
nutritura, o campanu sbanditi in i catagnoni, u Mississipi, u più toccu, hà 21%
di poveri! Ghjè u sprufondu di u mercatu immubiliare chì lampa i poveri in
carrughju, è più precisamente i neri. Ghjè un’America à 2 vitezze. (New
Orleans 2008, dopu à u passaghju di Katrina). Esisterà sempre u sognu americanu?
2008, annu di rinnovu presidenziale, serà Obama ad esse u primu presidente neru?
A China si sviluppa à passi maiò! Finita a rivuluzione culturale, benvinuti in u capitalisimu à l’usu chinese !
E libertà individuali sò spessu maltrattate. A China stringhje a catena à u Tibettu. Ci saranu i G.O. in Bejing st’estatina,
i stati parlanu di i mancamenti à i Diritti Umani ! Un puntellu per Tibettu ? Micca sigura !
L’Auropa s’ingranda, è diventa partinariu valevule è stampone trà USA è ex USSR. Ogni locu scuntentezza
per a vita cara, u disimpiecu, i poveri sempre di più poveri, i ricchi essendu i capimachja ! Manifestazioni in
Lubjana ! A Russia hà un paghju d’omi à e cummande !
A Francia hà un nuvellu presidente chì vole affilassi à i Stati Uniti ! U paese hè male, i francesi sò azezi (à
quandu mai), e casce sò viote è ancu i portamuneta, a cuntestazione hè in
carrughju. Serà torna un nuvellu 68?
E in Corsica
Hè sempre trascinoni, pate l’estri
di u presidente, i SGIÒ corsi sò i
servidori di u nuvellu munarcu ! Ci
hè un’università in Corsica, ma
dinò i prezzi i più cari è una «
madama Corsica ».
D’altri corsi luttanu sempre per a
lingua, a Storia, l’indipendenza, u
campà di u so paese o u soiu.
Lisabetta Studd
