Bona sera à tutti è à ringraziavvi
d’esse vinuti torna una volta
cusì numarosi sta sera per participà
à ste ghjurnate di a rifundazione.
Sò ormai deci anni, a sapete,
l’avete vistu, chì u Cumitatu Contru à
a Ripressione s’impegna nantu à tutti i
terreni di lotta. Sò deci anni di lotta, di
lotta accanita, deci anni di sacrifizii,
deci anni di mossa, deci anni di manifestazioni,
deci anni d’occupazioni,
deci anni in carrughju. Ma sti deci
anni sò dinù, sopratuttu deci anni di
riprissione da a parte di u statu francese,
di ripressione contru à i nostri
patriotti, di ripressione contru à i Corsi
chì difendenu sempre a tarra di
Corsica. Ma aldilà di sti deci anni di
difesa, di lotta, ùn ci vole micca à
scurdassi chì u Cumitatu Contru a
Ripressione ùn hè chè l’erede di l’altri
cumitati, di l’altri associi chì anu
difesi anc’elli i prigiuneri pulitichi. Sò
in fatti più di trent’anni chì i Corsi lottanu
è sò più di trent’anni chì i Corsi
sò imprigiunati. Ma c’hè dinò una
lezzione da ritene di sti trent’anni di
lotta, ghjè chì trent’anni dopu, dopu
à centinai è centinai d’incarcerazioni,
dopu à seculi è seculi d’annate
di prigiò per i nostri patriotti,
trent’anni dopu, simu sempre quì,
simu sempre quì per u populu corsu!
È dumane ci saremu torna perchè
simu quì nantu à un’idea suprana,
l’idea d’una Corsica libara. Ci simu
sempre imprimurati di i nostri
patriotti imprigiunati, di i nostri
patriotti esiliati, è dinù di tutte e so
famiglie. ‘Ssi trent’anni di lotta sò
anni di sofferenze, anni di sacrifizii
di i nostri.
Vularia divvi duie parolle, semplicimente
à voi tutti chì site quì à
fiancu à noi, à voi tutti chì avete
accumpagnati e lotte di u populu
corsu, vi vulariu sempliciamente dì
à ringraziavvi, à ringraziavvi di esse
quì, ma ùn vi la dicu micca in
nome di u Cumitatu Contru a
Ripressione, a vi dicu in nome di i
nostri fratelli di lotta, in nome di
tutti i patriotti corsi chì si sò pisati
contru à u statu francese per
difende a patria : à ringraziavvi !
À ringraziavvi perchè chì site u
cimentu chì ci hà permessu di arradicacci
ind’è u nostru populu. Oghje,
certe di e nostre rivendicazioni cum’è
per esempiu l’avvicinamentu di i prigiuneri,
sò rivendicazione umanitarie
è pulitiche à volta, ma sò rivendicazioni
maggioritarie ind’è u nostru
populu. È quessa unicamente perchè
chì site stati à l’altezza di u prublema.
Site stati in carrughju quandu ci vulia
essaci, site stati accantu à i patriotti
corsi è ci site sempre, è ci sarete sempre
perchè i nostri anu bisognu di noi
cumu anu bisognu di voi, anu bisognu
d’una mubbilizazione pupulare,
anu bisognu di sente daretu à elli u
so populu è site voi i veri riprisententi
di u populu corsu, ùn sò micca
i falsi eletti clanisti : site voi u
populu corsu !
Malgradu e nostre vittorie ben’intesu,
ùn basta micca, ci vole cuntinuvà à
mubbilizacci, ci vole à cuntinuvà perchè
a lotta cuntinuveghja, perchè
soprattuttu a ripressione cuntinuveghja.
A ripressione cuntinuveghja è
quist’annu emu francatu una tappa
maiò ind’è a ripressione è a francisata.
I ghjudici di e corte d’Assise speciale
di Pariggi cundannanu cum’è ùn anu
mai cundannati, è sti ghjudici privanu
di a so tarra i so figlioli i più bravi,
quelli ch’anu pigliatu l’arme per
difende a tarra di Corsica, quelli chì
anu avutu u curaghju di difende ‘ssa
tarra è chì l’anu pacatu di a so vita o
di a so libertà.
Allora c’hè una cosa sicura, a ripressione
è a francisata anu da cuntinuvà
ma saremu sempre quì à fiancu à
tutti i patriotti corsi, a vi dicu chjaru
è francu : a francisata basta è a
Francia fora ! Ùn ne vulemu più di
sta Francia !
Allora per luttà tutti inseme c’hè una
suluzione, semu in traccia di mettela
in ballu, è ste Ghjurnate di a
Rifundazione sò una uccazione maiò
di fà un passu per a Nazione. Sta
Rifundazione ùn pò chè viaghjà, perchè
ùn l’avemu micca scelta, simu
tutti listessi, avemu tutti listesse idee,
avemu tutti listesse lotte, è quand’è no
simu in carrughju, chè no siamu di u Rinnovu, chè no siamu di l’ANC, di
Corsica Nazione o di Strada Dritta,
pigliemu i listessi colpi è pigliemu
ind’è i tribbunali listessu cas. È
quandu ci ritruvemu ind’è e corte di e
prigiò francese, ind’è e corte di ste
maladette prigiò, di sapè chè no simu
d’un partitu o di l’altru ùn conta più,
ùn c’hè ch’una cosa chì conta, ghjè di
sapè chè no simu patriotti corsi, chè
no simu quì perchè emu difesu a tarra
di Corsica, è què
ghjè a cosa a più
impurtante è
ghjè u più bellu
di tutti i cimenti,
ghjè u cimentu
di a Patria, a nostra
tarra, a tarra
di Corsica.
Sta rifundazione
hè una speranza
nova per a
Corsica, ghjè a speranza di ritruvacci
tutti inseme l’indipendentisti, tutti
inseme quelli chì difendenu i prigiuneri
pulitichi per ghjunghje à un
mumentu datu à una sola urganizazione
di difesa di i patriotti incarcerati
per esse tutti inseme più forti. Per
esse uniti cum’è un populu unitu da
nunda intimuritu è soprattuttu micca
da l’armata francese è l’emu mustratu
parechje volte ancu di pettu à
l’armata francese simu pronti à
scumbatte per a nostra tarra.
Allora stu mumentu hè storicu è per
compie vularia dì à a Francia è à i
francesi duie parolle ind’è a lingua
di Molière :
Dans l’Antiquité, l’armée la plus puissante
de l’Antiquité, l’armée de Rome,
de la République romaine et de
l’Empire, ont mis 8 ans à vous Français
pour conquérir ce
qui était à l’époque
la Gaule, vous
avez résistés pendant
8 ans. Ces
mêmes armées de
la République
romaine ont mis
150 ans pour pacifier
la Corse, ils
ont mis 150 ans là
où les Français
n’ont résisté que 8 ans ! Ils sont restés
700 ans en Corse, et puis un jour ils
sont partis et aujourd’hui lorsqu’ils
viennent les Romains, ils viennent en
touristes. Puis, au Moyen-Âge et à
l’époque moderne, ce sont les Génois
qui sont restés pendant 600 ans, et
puis un jour nous nous sommes révoltés,
et eux aussi aujourd’hui lorsqu’ils
viennent en Corse, ils viennent en touristes.
Et il y a 250 ans ce sont les
armées françaises qui ont débarqué en
Corse, dans cette Corse démocratique,
et nous sommes bien placés ici à Corti
dans l’antique capitale de Pasquale de
Paoli pour en parler. Mais alors que sont
ces 250 années de présence face aux
10.000 ans de présence humaine sur
cette terre de Corse ? L’Histoire d’un
peuple ne peut pas mentir, et un jour le
drapeau corse brillera au firmament des
Nations européennes, et ce jour là les
Français viendront en Corse en touristes
! Ci sentite spessu parlà di l’avvicinamentu
di i prigiuneri, una di e nostre
rivendicazione, ma a sapete tutti, a nostra
primura, a nostra rivendicazione
maiò ghjè ben’intesu a liberazione di
tutti i patriotti corsi incarcerati ! Perchè
i nostri, ind’è prigiò francese ùn ci anu
nunda da chì fà, allora per tutti i patriotti
è soprattuttu per quelli incarcerati in
Pariggi chì marcuri sera à Radio Paese
senteranu ciò chì si dice oghje, vi
dumandu di mughjà tutti inseme :
Libertà per i Patriotti !
