S’HE DITTU « INNO » IN IRLANDA
CONTRA U TRATATTU DI LISBONI
Chjamatu a sprimasi nant’a u tratattu
di Lisbonu, cuncepitu
secondu una visioni liberali di
l’Auropa, l’irlandesi à a maghjurità
si so spiazzati pa vutà «inno». Un
votu chi moscia bè i dubbiti e i spaventi
di l’aghjenti.
I VALORI DI MANCA…
Quiddi(1) chi si so sprimati ani
difesu una certa idea di l’Auropa, e
in cori di quiss’ultima, u so paesu
l’Irlanda. Si so sprimati pa via di
l’indebulimentu di l’acquisti
suciali, a rialtà di una pricarità trimenda,
e a paura di i lindumani di
pettu a un sistemu ecunomicu privatu.
So di fatti l’urganisazzioni chi
portani e chi difendani una certa
Auropa, quidda suciali, smilitarizata
e dimucratica chi hani pruvucatu
u successu di issu votu; so pà
a maiori parti l’urganisazzioni chi
raprinsentani i valori di manca.
PA U BE PUBBLICU
Issi urganisazzioni fra quali u Sinn
Fein, appoghjani u so paré nant’à u
fattu chi ci voli à rimetta in cori di
a cittadinanza i servizi pubblichi.
Un accetani ciò ch’iddi chjamani a
«dittatura di u marcatu».
Di fattui dumandani un cambiamentu
di dirizzioni, l’arrestu di a
«militarisazzioni di l’Auropa e a
riduzzioni di i spesi di l’armamenti».
U RISPETTU DI U VOTU
In u stessu tempu, rivindicani u rispettu
di u votu : vali à dì ch’iddi
chjamani a «Cummissioni
Auropiana, u parlamentu auropianu
e i guverni di i stati membri di
l’unioni à piddà in contu a vulintà di
u populu irlandesu». Par iddi, ssu
votu moscia bè «l’abissu chi spicca i
puliticanti e l’eliti d’Auropa da l’upinioni
di u populu».
HE MORTU U TRATATTU !
L’urganisazzioni irlandesi di manca
pratendini chi u tratattu «hè mortu»
e chi ci voli avali a meittali in tarra
incu a custituzzioni auropiana.
Parlani dunqua di fallimentu. Al di
là ferma quantunqua à prupona
altri pisti par avanzà. Mettani in
centru di u so prughjettu l’omu
comu priorità, Mettini in rilievu «i
dritti di tutti i travagliadori e ricusani
a logica di a disoccupazzioni
e di a puvertà, di l’inegualità e di
l’uppressioni e infini quidda di u
riscaldamentu climaticu».
UN VOTU IMPURTANTI !
U ricusu maghjuritariu irlandesu
rapprisentà una sprissioni populari
chi un voli micca accittà a logica di
u marcatu e di a privatisazzioni di
a vita oghjinca. Ramenta chi i
donni e l’omini, é i populi
d’Auropa so in centru di un
prughjettu chi devi appughjasi
nant’a i so fundamenti suciali e
dimucratichi. L’Auropa hè sempri
in dibattitu.
Ulivieru SAULI
(1) - Communist Party of Ireland,
Éirígí, Irish Anti War Movement,
Peace & Neutrality Alliance, People
Before Profit, Peoples Movement,
National Platform, Sinn Féin,
Socialist Party, Socialist Workers
Party, Workers Party.
