Uttobre 2006... Cum’è sempre,
dipoi un mezu seculu,
quand’ella ripiglia a scola,
ripiglia l’esame criticu di l’insignamentu
è di l’insignanti, ripiglianu e
pruposte di rimdii miraculi
ln prima linea, quist’annu, a
Corsica . Lighjimu : « rapport
accablant... l’enfant-roi... préfère la
plage et le village... parents démissionnaires...
enseignants peu
qualifiés... » Una vera bastunata
! E’, cum’è si dice d’un
sculare pocu astutu : « Peut
progresser ». Si pò parlà da
veru, è a face un sindicatu, di
caricatura, di stimmatizazione,
da a parte di un’istituzione, ella
stessa arcaica è dittaturiale, «
l’Inspection générale » chì,
durante anni è anni, hà intimuritu
l’insignanti è fussilizatu
l’insignamentu.
Ma franchemu u mare.
Viaghjarà megliu cà ind’è no
l’insignamentu ? A’ mè, chì sò
carca à anni, è sempre insignante,
mi pare ch’ella era più soda
è più raziunale l’istituzione in l’anni
beati di u certificatu di i studii, i brivetti,
u primariu supiriore, è u basciglié
per uni pochi. I genitori
facianu, cum’elli dicianu, sacrifizii,
per fà ch ‘elli abbianu i so zitelli ciò
ch’elli stessi ùn avianu pussutu avé,
è chì purtava i più astuti fin’à i studii
universitarii.
Tempi è tempi... L’Università chì
ci era stata tolta, uni pochi l’anu
vulsuta è mantenuta in dispettu di e
cumbricule statale. Chjuculetta,
intima, à principiu, ind’è i limiti
stretti, ma colmi à ricordi cummuventi
assai di u Palazzu Naziunale,
a so rinascita fù l’opara di un
Dirittoriu attentu à assicurà l’intaressi
di a cullitività, è micca solu di
un’elita.
Micca affattu rispittata a so
vulintà, ferma chi l’Università di
Corsica, ancu altruiata, fece da tistimone
di e nostre lotte passate è
ancu à vene.
Assai più ambiziunosu è ghjuvevule
per tutte e classe d’età è di statutu
suciale di a sucietà corsa, fù u
prughjettu di u Dirittoriu accantatu,
è sceltu da Prisidente unu chì di
un’Università ind’è noi, ùn vulia
sente puzza... Nè cumpletta, nè
pupulare, nè permanente, fù quantunque
aperta ind’è u 1981 : una
sfida tamanta, vinta in dispettu di
certi puliticanti è ancu culturali...
Dighjà in l’annu 65 si muvianu i
studienti corsi in Parigi dinuncendu
l’esiliu, a spesa, a discriminazione...
L’avenimenti di u 68 l’emu vissuti
ancu noi quì in Corsica. Tamante
spirenze ! Tamantu fiascu ind’è u
campu strettu di l’Educazione,
(mantenutu, per indettu, u rituale di
l’Ispezzione), ind’è u campu di e
rivindicazione suciale (malgradu
l’attitudine ambigua di i sindicati).
Oghje ghjornu, ferma pocu di u spiritu,
di u slanciu, di tandu. Intantu,
altri prublemi si sò posti, ùn sarebbe
chì quellu di l’immigrazione. Dinò,
l’evuluzione troppu in furia di i
modi di campà, di e mentalità, a
perdita di sensu di l’attività è e rilazione
umane, di i sintimi, di i studii,
di a fede (rilighjosa o pulitica), a
pauraccia di l’avvene, u cultu sfrinatu
di u sessu, di u soldu : ciò
ch’ellu chjamava André Malraux,
ind’è u 68, « crise de civilisation
occidentale ».
Ogni riintrata vede esce libri,
libretti, articuli, chì trattanu di a
situazione pessima ind’è e
scole, ind’è l’Università, è avà
ind’è a periferia di e cità maiò.
Eccu qualchì titulu assai parlanti:
« Sale prof ! », «
Parents contre profs », « La
fabrique du crétin »... Chì e
cose devenu cambià, ne sò tutti
d’accunsentu. Eccu, per cunclude,
e pruposte di qua1chì
ministru di l’Educazione
Naziunale francese : « Des
Commissions constituées dans
chaque Académie... Elles comporteront
autant de lycéens que de représentants
des professeurs, des familles
et de l’administration, réunis...
» (René Haby, 1974) ; « Plus de
moyens... vraie démarche de rénovation
progressive de l’enseignement
en France... » (Lionel Jospin,
1989) ; « Il faut évaluer... dans un
climat serein » (Jack Lang, 2000) ;
« Instruire, éduquer, former à la vie
professionnelle... savoir, autorité,
proximité » (Luc Ferry, 2003).
Fatta fine, dopu à un bilanciu pocu
quentu, ci hè da spirà chì, cum’ellu
scrive u prufissore Brighelli, dopu à
a so cundanna senza riscattu di a
scola di i nostri tempi : « Le crétin,
pas une fatalité. Pas encore ».
Anghjulamaria Carbuccia
