Si parla, cusì, passendu, di rumpitura.
Ma, rumpitura, ci hè, da
vera, omancu trà qualchì d'unu,
chì si volenu infurmà cumu si deve, e
masse allupiate da i ghjochi televisi.
Ma infurmassi vole dì "esse propiu à
l'addisperu" : ci vole à parlà, micca di
viulenza in una, ma di tutte e viulenze
in parechje viulenze fatte à
l'umani, viulenze fatte à a natura, viulenze
fatte in dispettu di i valori
murale....Si vindicheghja a natura,
marturiata da l'omi, à modu soiu,
ancu ind'i paesi "avanzati"
cum'è i Stati Uniti; mentre
chùi, sia in Africa, sia in
Asia, si suitanu e rivolte,
e ripressione, u populu
essendu, cum'è sempre,
sacrificatu à l'ambizione
smisurata di
certi, è u prufittu bramatu
da l'uni è l'altri. Lighjendu a
stampa, è u listinu di i paesi
chùi si ne vanu à caternu, vi gira u
capu. A fame, l'esiliu sarà questa a
sorte privista par l'omu, maghjine di
Diu? l'omu riduttu à guadagnà u so
pane cutidianu, straziendu, ma ancu
riduttu à a so animalità da zitelli... In
quantu à i nostri lochi, saria a primura
di i citatini, u santissimu "pouvoir
d'achat". Eccu u colmu di l'ambizione
individuale, famigliale, di a
lotte pulitica, di u benistà, di a filicità,
in stu mondu omancu... Intantu, si
scontranu i capizzoni d'ogni paese,
spariscenu e lingue, ma elli s'aduniscenu
aspessu, ùn sarebbe chè per una
ghjurnata : si tratta di celebrà i 2000
anni internaziunale di e lingue.... Voti
pii... custattu di fiascu...pudè cumprà
saria u colmu di a filicità per a ghjente
rudutta à cunsumà, è basta! Si parla,
cusì, passendu di rumpitura. Ma a
rumpitura, ghjè da veru, omancu trà
qualchì d'unu chì si volenu infurmà
cumi si deve, è e masse allupiate da i
ghjochi televisi. U risicu maiò
essendu tandu di cascà propiu in l'addisperu,
è forse in a cisì detta viulenza
in una. Ma, ùn smintichemu viulenze
in parechje, tutte e viulenze, fatte là
'umani, à a anatura, à l'animali, à i
veri valori murali. Si vindichegja a
natura, altiriata è marturiata, à modu
soiu, ancu cum'è l'avemu detti ind'i
paesi i più avanzati. In quantu à i
populi in l'altri cuntinenti, chì patenu
a fame nera, i danni di e guerre, fughjenu
i so lochi, divintati terra nemica,
regnu di e furzature è i macelli.
Lighjendu a stampa, vi gira u capu è
vi vene u vomitu : saria questa a sorte
privista par l'omu? d'una banda, multitudine
castigate, da l'altra banda uni
pochi di manghjoni, veri furdani. Ma
ancu in quelli paesi induve supraneghjanu
i bisogni "animali", ùn hè
ancu sparitu u mendu "culturale", di a
fede, di l'usi, di a tradizione trasmessa
par u più da e donne. Sarà rottu u filu
ind'è noi? Ghjudichendu d'appressu
à ciò chì sis ente in carrughju, ind'u
bus, ind'i caffè, si pò dì chì a lingua
nustrale hè quasi sparita in bocca à i
Corsi. Salutemu quì i sforzi di u nostru
misincu " A Nazione" è a mossa di
u cullettivu "Parlememu corsu". Ma ci
hè da teme chì u populu, alienatu da
i medià e ossessu da u sacrusantu
"pouvoir d'achat", di a morte di a a
lingua si n'impipessi, per avà
omancu. Eppurru, a sapemu chì,
privu di i so mezi di sprissione,
spechju di a so rialità, u so essare, un
populu ùn pò campà.... Dighjà, per i
media, ùn semu più Corsi ma isulani
- una parolla chì à mè m'incresce....i
dibattiti televisivi (pinsemu à l'affare
Colonna, per indettu) à mumentu
datu, ùn ponu sbuccà cà natu à a
rumpitura, o omancu u statu quò,
vale à dì a scunnuscenza di ciò chì
no semu da veru. A pò perde
un individu a so identità.
Ma a pò perde ancu un
populu sanu...Ind'è
noi, spintu u slanciu di
u riacquistu, a lingua
nustrale, a cultura nustrale,
sò in gran periculu....
ci bastarà d'assicuracci
u santissimu "pouvoir
d'achat"? L'ingann maiò,
purtatu da ghjente di poca fede è di
poca statura. U soldu rè, vale à dì a
nigazione di tuttu ciò chì face l'omu
hè omu, sinnò a maghjine d'un Diu,
omancu una parsona degna, fida à i
so principii. Dopu anni è anni di risistenza
à u cultu di Mammonu, d'adesione
cuscenta o micca à principii
alti, saremu ghjunti à u rinunciu, à a
sottumissione à u guadagnu, è basta ?
Tinimu puru à mente u "corsu di stroria"
ch'ellu fece durante ore è ore un
Filidori in l'annu 79. E ùn smintichemu
i sforzi fatti da i nostri per
"mantene" un soffiu di vita à a nostra
essenza. Un si tratta micca, scrivia
tandu Rinatu Coti; "d'esse tali è quali
eddi sò l'altri omini, ma dendu ampia
vita à tuttu quantu a tardizioni à pucu
à pocu hà dispusitatu in eddu...a lingua,
a brama d'una sorti cumuna".
Anghjula Maria Carbuccia
