Vogliu principià st'intervenzione
per un picculu riassuntu storicu.
A nostra Nazione piglia e so
radiche in a Preistoria. Si hè arrichita,
custrita à u corsu di i seculi. Dapoi
l'Antichità, nè i Vandali, nè i Sarracini, nè
i Pisani nè i Ghjenuvesi ùn hannu riesciutu
à mette in periculu a nostra esistenza.
A u 18e seculu, Pasquale Paoli nè
hà fattu una Nazione ricunnisciuta è
appreziata da l'America à a Russia. Ma
dapoi un nemicu terribule hè sbarcatu.
Peghju chè l'altri, un nemicu chì nega
l'esistenza di e Nazione chì li so sottumesse.
Mancu e grande putenze cum'è
l'Unione Sovietica o a Gran'Brittania ùn
sò andate à nigà e Nazione chì cumpunianu
u so imperu. A Francia, ella a face.
Per ella, in Corsica, un ci hè nè populu
nè nazione nè cultura, A sta negazione si
so aghjustati a ruvina ecunomica è
demugrafica. Digià à u principiu di u 20e
seculu u nostru populu piglia cuscenza
ma ci vole à aspettà l'anni 70 per vede
una generazione alzassi è fà fronte à u
statu francese chì ci vulia vede smarisce
subitu : E fanghe rosse, Aleria, Bastelica
sò mumenti storichi di a nostra resistenza
di l'epica. In l'anni 80, a nostra lotta hè
forte. Una giuventù sanna si ricunosce in
u naziunalisimu. L'indipendenza diventa
una sperenza, ancu si i sacrifizii so terribuli
(seculi di prigio, feriti, morti...). A
sperenza cresce è qualche picculavittoria
(Università, RCFM, FR3, Assemblea di
Corsica, Priservazione di u ltturale cum'è
in l'Agriate o à a Testa Ventllegne...)
hannu datu cunfidenza à u nostru populu
in a lotta. Dopu à què, l'anni 90 so una
tragedia per u nostru muvimentu.
Tragedia gravissima cum'è a nostra storia
n'hà troppu cunnisciutu, è chi un si deve
mai più produce. U muvimentu naziunale
hè adebulitu. U nostru populu carcu
di sperenza hè dilusu. A divisione è a
cuncurenze trà i muvimenti impeghjurisce.
A sta crisa grave di u muvimentu
naziunale s'aghjusta l'effettu di a mundialisazione,
di u capitalisimu salvaticu,
di l'accrescimentu di a francisazione culturale
è di populamentu. Eccu a situazione
à l'orlu di l'elezzione territuriale di
u 2004. A stu mumentu, chì hè stata a
nostra risposta? L'Unione Naziunale.
Aviamu à l'epica fattu assai pruposte per
chè st'unione fussi quella di a tutalità di
l'urganisazione chì devianu esse a voce
di u nostru populu in Assemblea di corsica.
Dumandavamu a messa in ballu di
a nostra Cunsulta Naziunale. U cuntrariu
hè statu fattu. Per noi, PSI è ANC era un
fiascu. Avemu guasi subitu, e forze à
l'epica ùn simu micca stati capiti da tutti,
dinunciatu l'assenza di chjarificazione, a
debulezza di u discorsu, di e rivendicazione,
u ricusu di mette in ballu a
Cunsulta Naziunale è simu esciuti presta
da l'Unione Naziunale induve ùn truvavamu
più discorsu chjaru. A listessu
mumentu, avemu decisu d'addunisce i
nostri muvimenti ANC-PSI in un Fronte
Pupulare. Digià per noi l'idea di trapassà
i siculi era impurtante. Dapoi, u nostru
scopu hè statu a chjarificazione.
Chjarificazione chì passa di sicuru per
una rifundazione di u muvimentu naziunale
indipendentistu. Stacchendusi di
una logica di strutture riformiste. Un si pò
micca esse militante di a Liberazione
Naziunale è partigianu di una Corsica
francese sottumessa à e decizione di un
putere strangeru. Un si pò micca esse un
militente di a Liberazione Naziunale è un
perde un'occasione di rinfurzà u culunialisimu
quand'ellu si tratta di cundannà
azzione patriotiche fussinu fora di a legge
culuniale. Infine ùn si pò vulè a ricuniscenza
di i diritti naziunali di a Corsica è
ricusà a creazione di una cunsulta naziunale
chì hè u parlamentu d'ogni nazione
libera di u mondu. Ste cuntradizione
impurtentissime mettenu l'incalcu nant'à
e sferenze pilitiche trà urganisazione di
liberazione naziunale è certe urganisazione
refurmiste, autunumiste di
l'Unione Naziunale. Durante annate u
nostru discorsu hè statu adebulitu per un
dì ch'ellu hè smaritu. U populu ùn hà più
capitu è i risultati ultimi nè so a prova.
Pudemu hè vera sparte cù l'autunumisti
ò cù d'altri Corsi, eletti ò nò, certe rivendicazioni
cum'è a prutezzione di a
natura, di a lingua. Ci pudemu tandu
ritruvà in carrughju. Mà questa ùn basta
micca è ùn pò custruisce un prugettu
puliticu chjaru. Noi simu indipendentisti
è a nostra vulintà hè di fà a Corsica una
Nazione libera indipendente. Per contu
nostru, à Fronte Populare, ci mettimu à u
serviziu di stu novu muvimentu patrioticu.
U travagliu ci aspetta : Lotte per
impone a nostra lingua naziunale. Lotte
per a terra. Lotte contr'à a puvertà ch'impedisce
i nostri giovani di campà nat'à a
so terra. Lotte per rimette a Corsica nant'à
a lista di e Nazione libere di u mondu.
Per ghjunghjeci, a rifundazione hè una
necessità. Un avemu più dirittu di sbagliacci
è femu cunfidenza à tutte l'urganisazione
presente : CNI, Rinnovu, Strada
dritta, Fronte Pupulare. Un ci sbagliemu
è salvemu a nostra Nazione. Nè dipende
a libertà di u nostru populu.
DETTERMINAZIONE E
LOTTE FERANU A SALVEZZA
DI A NOSTRA NAZIONE
