U 30 di dicembri di l’annu scorsu, l’urganisazioni
pulitica – militariabasca facia saltà una struttura
d’aeroportu a Barajas. Dui parsoni so
morti e i danni erani tarribuli. L’E.T.A pricisaia
bè chi l’azzioni un era ruttura di a treva ma un
attu di cunghjuntura cundutta da a pulitica di u statu
spagnolu. In un intarvista a u ghjurnali « Gara » (8
d’aprili 2007), E.T.A. priciseghja torna u so paré.
U so scopu ramintatu
Pa’ principià, E.T.A. ramenta ben sicuru u so ughjettivu
strategicu : « un paesiubascu libaru e sucialistu ». A lotta
di E.T.A. hè basata nant’a una filusufia di natura sucialista
inspiratà da a riflessioni dettu « marxista ».
Rispunsevuli di i prublema attuali
Pa’ l’urganisazioni, a malgradu a spiranza di paci, I prublema
fermani. So « i ghjestiunari di l’attuali stituzioni
e i cacichi chi reghjini u Paesi bascu e chi un volini disciuplicà
i principali bisogni di u nosciu populu ». fra ssi
prublemi a rialtà di a lingua basca – a malgradu l’ufficialisazioni
d’iss’ultima – e a situazioni di i travagliaddori
ind’é i so cundizioni di tutti i ghjorni e di
pettu a una precarità assuluta. Ma parla
dino di un altru prublema. Parla di a situazioni
di a Lapurdi, di Zuberoa e di a Baxe
nafarroa. Vali a di di u Paesi Bascu nordu
suttumissu à a Francia. E.T.A. cunsidarighja
chi issa partita un disponi di una
struttura stituzzionali propria » e « chi
tuttu hè a u binifiziu di Pariggi ». Di fattu
« issi situazzioni ani comu urigini l’upprissioni,
a nigazzoni e a divisioni di u Paesu
Bascu ».
L’andatura di u paci e l’assediu
Tuttu ugnunu si po ramintà di l’ufficialisazioni di un dialogu
tra u guvernu spagnolu – fora di a pusizioni riazziunaria
di u Partitu Pupulari – e E.T.A. E.T.A ricunosci chi
« c’era un cumprumissu di i dui parti pà metta in ballu
una discussioni, comu si faci in tutti l’andaturi di risuluzzioni
». Eccu dunqua hè statu missu in ballu un cessa –
focu. L’urganisazioni pricisighja dunqua chi al di là di i
cunghjutura ch’idda « ha apprizzatu e sprimatu tuttu u
tempu chi a soluzioni a u cunflittu ghjunghjerà pa’ u dialogu
e a niguzazioni ».
E.T.A. dici quantunqua chi s’idda cuntinuighja iss’andatura
di paci, « u guvernu spagnolu un ha uparatu cu
maturità di pettu a l’uffertuadi E.T.A. ».
L’attentatu di Barajas
E.T.A. dici dunqua chi l’azioni cumissa u 30 di dicmebri
era « un ‘azioni armata pa’ risponda a l’affronti di tutti
i ghjorni di u guvernu spagnolu ». Hè stata « una risposta
diretta a l’attitudina mantinuta da u guvernu spagnolu
duranti ottu mesi ». E chi ‘ssu guvernu « un ha tinutu e
rispetattu i so ingaghjamenti in relazioni cu u cessa –
focu ».
L’avvena cu u guvernu di Zapatero
L’urganisazioni di risistenza basca hè sicura chi « u
guvernu di zapatero « ha tutta a margini di u mondu, e
anche di piu, t’ha a capacità ». Ma a dumanda hé di sapé
« s’iddu t’ha a vulintà e a dicisioni pulitica pà un’isciuta
dimucratica à u cunflittu ». e oghji si vidi chi ssu guvernu
pidda un camminu aversu. Di fattu « u pallò si trova in i
mani di u guvernu spagnolu ».
Una critica di u PNB
E.T.A. un mastica i so parodda pà criticà l’attitudini di u
Partitu Naziunali bascu. Dici chi « u P.N.B hè d’accunsentu
cu a strategia di u guvernu spagnolu ». L’accusa
dinò di avé missu « a pulizia autonomica spagnola a u serviziu
di a strategia marcata da u guvernu spagnolu ». Vali
a dì à u sirviziu di a strategia riprissiva. E di cuncluda chi
u P.N.B. « annasa u fracicu ».
A so pusizzioni nant’a manca indipendentista
E.T.A. ricunosci l’impurtanza di u dialogu dimucraticu.
Ma vidi chi si mettini limiti pà impediscia a « Batasuna ».
Dici « chi si ricusa à a manca indipendentista u puteri di
piddà parti in ugualità di furtuna ind’é i niguziazzioni
pulitichi ». E dunqua « mantenini a manca indipendententista
in situazioni di essa missa fora
di e leghje ».
A cundanna di a Francia
E.T.A dumanda dinò à a Francia d’arristà
i so attachi contr’a u paesu Bascu
e ch’idda « abbandunessi a culunisazioni
di u so populu ». E pruponi dunqua
« à u Statu Francesu un’alternativa
». Hè cunvinta chi u Statu
Francesu un pudarà cuntinuà à nigà
l’asistenza di ssu cunflittu.
Di a nascità di A.S.B.
I risistenti d’E.T.A. piddani dinò in contu a missa in ballu
di l’Abertzale Sozialisten Batasuna (A.S.B.). Issa presa in
contu si spiega pà via chi « a manca indipendentista moscia
ch’idda hè capaci di fà passi cuncreti e ch’idda agisci
cu curaghju, forza e rispunsabilità in accordu cu l’asigenzi
di a situazioni ». E dinuncia a pussiblità di una
situazioni contra-dimucratica si u guvernu spagnolu
ricusa a A.S.B. di prisintassi a i prossimi alizzioni. « Si u
guvernu spagnolu pidda u camminu di attaccà a manca
indipendentista, s’iddu manifistighja di ssa manera a
mancanza di vulintà pa’disciuplicà u cunflittu, E.T.A . u
piddarà in cunsidirazioni ». A situazioni – pà via di issa
intarvista – moscia bè a situazioni d’assediu e a diviazioni
pulitica di l’andatura di paci. I pussiblità di andà piu in
avanti asistini, e tocca à u guvernu spagnolu di fà un
ghjestu ind’é issu senzu. U fattu – pa esempiu – d’impidì
di prisintà a l’alizioni a manca indipendentista tistimunighja
a riazioni contra-dimucratica… E.T.A.incu ssa
pusizioni pubblica teni à ramintà u so paré e a so riflessioni
pà andà ind’é una logica di suluzioni pulitica cu a
Spagna e a Francia.
Ulivieru SAULI
