Culunisazioni di pupulamentu è scursisazioni di l'impieghi,
eccu un bilanciu di a Corsica, à u ghjornu d'oghji.
Allora chì a culunizazioni di
pupulamentu si rinforza ogni
ghjornu cù a passavità è a
cumpiacenza di i nostri eletti, à tal
puntu chì oghji si pò parlà di scursisazioni
di l'impieghi.
Ancu si u sittori privatu resisti un
pocu, u sittori publicu eddu, ohimè
hè un veru sfatteghju, quandu omu sà
chì a Corsica punta à u diciottesimu
rangu sopra i vintidui reghjoni francesi
induve i corsi sò minoritarii.
Oghji a situazioni di l'impieghi hè u
spechju di a situazioni pulitica, economica
è suciale di l'isula. Dunqua a
rivindicazioni di l'impieghi hè pulitica
puntu è basta !
Oghji più di mai a situazioni di
l'impieghi hè pessima è finchè ùn ci
sarà un statutu puliticu ricunniscendu
u populu corsu, ùn ci pò essa una
situazioni schietta di l'impieghi.
Finchè a sottumissioni di l'attatuali
statutu firmarà, firmarà sempri sprizata
a situazioni di l'impieghi. Tocc'à
noi, populu corsu, di dacci i mezi
struturali necessarii pà impona una
suluzioni pulitica à a situazioni culuniali
di a Corsica. L'impieghi à i corsi
hè dinò una salvezza di a nostra lingua,
a nostra cultura.
Se no vulemu chì à cort'andà, ùn
sparisci a nostra manera d'essa, di
campà è di cuncipì i cosi chì sò i
punteddi maiò di a nostra andatura è
dinò una filusufia di vita, un sintimu
di cuntinuità trà a tarra è l'omu. Ed'hè
par quissa oghji chì ùn si pò spiccà a
cursizioni di l'impieghi cù a situazioni
culturali è economica. Oghji à a DDE
di u pumonti, i francesi sò maioritarii,
eccu un'esempiu :
Categuria A : 96 % di francesi ;
Categuria B : 53 % di francesi ;
Categuria C : 37 % di francesi.
Hè a sitiuazioni ginerali di l'impieghi
in Corsica. À u prossimu numaru,
faremu un bilanciu di u sittori publicu
francesu è dinò di a Cullettività di
Corsica è di i cunsiglii ginerali. Quì
dinò a maistria di l'impieghi corsi ci
scappa.
Ghjacuminu CALISTRI è
Ghjuvan Ulivieru SAULI
